Etorkinekin Amikuzen elkarteak eta Aldaka gaztetxeak pusken bilketa bat antolatzen dute urriaren 27 honetan, ibiakoitz goizarekin Aldaka gaztetxean. Behar diren pusken zerrenda beherago ikusiko duzue. Jada bi heldu, gazte bat eta 6 presunetako familia baten ardura hartua du elkarteak Donapaleun gaindi. Horietarik batekin, Iparraldeko Hitzak egin zuen elkarrizketa bat eta irakurtzeko gisan duzue hementxe klikatuz.
Hona bi elkarteek helarazten diguten mezua :
Zinkak antolatzen duen bezala Maulen, Donapaleun ere MIGRANTEEN SUSTENGUZ BILKETA bat antolatzen da ibiakoitz huntan.
Bilketa hori Aldaka gaztetxean eginen da urriaren 27an, ibiakoitzez, goizeko 9etatik 13etara.
Denetarik behar dute : jantzi beroak, estalkiak, janaria… Azpiko zerrendan atzemanen dituzue gehienik behar diren ekarpenak.
Ez duda mezu horren pasaraztea zuen inguruan eta zauzte saldoan !
Milesker aintzinetik eta laster arte !
Beharrak :
– trikotak, berokiak, euritakoak.
– zapatak (beroak ahalaz).
– eskularruak, lepokoak, burukoak (biziki galdeginak dira).
– hortzetako pasta eta eskuila.
– xatarrak, oihalñoak, jantzi beroak ñiñientzat, ñiñiak atxikitzeko oihalak.
– zapi higienikoak.
– estalkiak (biziki gadeginak)
– larrialdietarako estalkiak.
– plastikozko estalkiak (lurrean jartzeko gisan, edo euritik babesteko)
– bizkarreko zakuak.
– termo botilak.
– platera barnedunak, gatilu handiak, koilara-furtxetak. Plastikozkoak, berriz erabili daitezkeenak.
– janari aldetik : irrisa, kontserbak, saltsak baina xerrikirik gabe, patata kontserbak, lentilla kontserbak…
Ezin komenta gehio.