Zabalik elkarteak euskarazko irakurketaren promozioa egiten jarraitzen du. Miñan liburuaren irakurketa publikoa Amikuzeko 95 gazteek arrakastaz burutu ondoan, helduden ibiakoitz goizean, azaroaren 6an, goizeko 10etarik eguerditara, irakurle batzuek beren gustuko liburu batzutaz egin duten irakurketa aurkeztuko dute. Bakotxak 5 eta 10 minutu artean izanen du hortarako. Menturaz zuk ere bazinuke irakurketa esperientzia bat aurkezten ahal zinukena ? Atea irekia zauzu, parte hartzen ahalko duzu, edo lehenagotik elkarteko kide bat abisatuz, edo xinpleki ibiakoitzean mediatekara hurbilduz. Bi irakurketa lekukotasunen artetik, Eskukula bertso eskolako bertsulariek beren komentarioak kantatuko dituzte.
Goizaldia baliatuko dugu mediatekan antolatu dugun Manex Liburutegiko xokoa bisitatzeko. Konfinamendu denboraldi desberdinen ondorioz, ez dugu nahi bezala estrenatu ahal izan liburu funts horren itzulera mediatekara. Parada baliatuko dugu beraz honen aurkezteko ere.
Bururatzean tragoxka bat edaten ahalko dugu denek betan, usaia den bezala.