Anartean gau eskolan lanean ari dira eta hainbat ekimen prestatu dituzte :

- Abenduaren 11an, gau eskolaren ateraldia : Kalostrapen untsa jan ondotik, Baionako Euskal museoan den Bernat Etxepareren liburuaren bisita eginen dugu. Momentuko 27 parte hartzaile ditugu.

- Abenduaren 13an, animazio batzordeak ateraldi bat antolatuko du : goizean Mauleko euskal gaztain etxearen bisita gidatua, bazkaria Europe jatetxean, eta arratsaldean Mauleko bisita gidatua.

- Abenduaren 18an Gau eskolaren biltzar nagusia + pintxo gaualdia Espeletenea ostatuan. 

Amikuzeko eta Oztibarreko gau eskolak bere urteko biltzar nagusia abenduaren 18an egin du Larzabalen, Espeletenia jatetxean. 30 kide elkartu dira 2024/2025 urteko aktibitateak eta konduak aztertzeko. Gau eskolak 102 ikasle errezibitu ditu urtean zehar eta kurtsoak, 10 irakasleek segurtatu dituzte, 12 taldeetan.

Kurtsoez gain, animazio taldeak aktibitate bereziak antolatu ditu ikasleek, bisita batzuen bidez, euskara erabiltzeko aukera ukan dezaten hala nola Pasaiako Albaola, Ibarlako Harispuru makila egileak eta Larzabaleko « Harriak Iguzkitan » Euskal Herriko hilarrien interpretazio gunea.

Aktibiateen eta konduen aurkezpena egin ondoan, txosten morala eta kontuak aho batez baieztatuak izan dira. Bulegoa ere arraberritua izan da.

Ondotik, bi urtetarik ezagutzen dugun Korrika famatua aipatua izan da. Helduden martxoaren 19an, 24. Korrika Atharratzetik abiatuko da eta Amikuzetik pasatuko. Xehetasunak ondoko egunetan ezagutaraziak izanen dira. Amikuzeko Gau eskola mobilizatua izanen da ekitaldia baldintza onetan antolatzeko eta horren inguruan antolatuak izanen diren ekintzetan parte hartzeko (korrika ttipi…).

Biltzar nagusiaren ondotik, gaualdiak segitu du baso baten inguruan Espelleteniak preparatu pintxoak gozatuz.

2026ko KORRIKA Atharratzetik abiatuko da, jakin dugunez. Laster jakinen dugu Amikuzen ze egun eta tenoretan iganen den. 

KORRIKAren gure herrietarik pasatzea prestako bilkura ideki bat eginen da urtarrilaren 22an, astiriko 6ak30etan, Iturzainenian.

Sartzea dute gau eskolan. Mementoa da izena emaiteko, eta hau irakurtzen ahal baduzue, irakasle xekan ere dabiltza oraindik. Animo !

Izen emaiteak buruilaren 16tik 21era eginen dira, astegunez 2ak eta 8ak artean, eta ibiakoitz goiz osoan, 9etarik eguerdi arte.

Bestalde, erakasleak xerkatzen dira, nahiantak oro ongi etorriak dira. Bixtan dena, behar diren laguntzak eta aholkuak izanen dituzte kurtsoen antolatzeko.

Azken urteetan gorakada eder bat ezagutu ginuen gure gau eskolan (50 ikasleetarik lehen, 70 batera jaz), parte ikasle gehiago etorri baitziren, baina parte ere behar ziren erakasleak agertu zirelako haien plantan errezebitzeko.

Kontaktua : 05.59.6589.21 edo amikuze@aek.eus

Izen emaiteak Donapaleuko gau eskolan egiten dira, Auzitegi karrikaren 17an.

Urte guziz bezala, heldu den urtean ere erakasle laguntzaileen beharra ukanen dute gau eskolan. Zu izan zinteke horietarik bat. Ezagutza egiteko eta gauzaren errextasuna esplikatzeko, ekainaren 10ean, Amikuzeko AEK Gau Eskolak « ate zabalak » antolatzen ditu, bere egoitzan.

Badu zenbait urte orain, AEK-k kurtsoen prestatzeko bere materiala ekoiztea erabaki zuela, erakasleen lana errexteko eta ekitaldi honen helburua, material horren aurkeztea izaiten da, besteak beste.

Ikus arte adiskide, jin izpiritu laxo eta gogo bero…

Amikuzeko AEK Gau Eskolak.

Eta abar luze bat…

Donapaleuko auzitegi karrikan dugun egoitzan sartu nintzelarik, agorril erditsutan, denak lo ziren, seko : bulegoa, ordenagailua, kafe makina. Eta bazen bai, lokala zerraturik egoiten delarik maite ez dutan zoko usain hori.

Leihoak zabaltzen ditut, ordenagailua piztu dut eta…..
Zer!!!! Jadanik fini????? Baina klaseak urriaren 5ean hasiko dira. erran daut ordenagailuak, harriturik.
Bai, urriaren 5ean, bai. Baina zer uste duzu zuk. Lana hor dugu to! Ageri da berria zirela zu AEK-n.
Ikasle berriendako izen emaite kanpaina antolatu behar dugu, gure usaiazko ikasleak deitu behar ditugu eta abar luze bat.
Humm, Bixente. Ez dut batere maite «eta abar luze bat» erraiten duzularik. Zer bada horren gibelean?
Lasai! Lehenik kafea prestatzen dut eta gero, dena esplikatuko dauzut.
Beraz, hau da aurreikusi dutana.
. iragan urteko ikasleeri izena berriz emaiteko mezu bat igorri behar diegu.
. gure izen emaite astea prestatu behar dugu.
Buruilaren 21etik 25era, arratsaldeko 2etatik 8etara Donapaleuko egoitzan atxikiko dugu eta buruilaren 26an, goizeko 9etatik 12etara, Hoztako herriko etxean.
Zer, Hoztan, azken postan???
Bai. Pasa den urtean, iniziazio maila izan zen Asiskorekin. Ikasle horiek segitzen dute baina beste iniziazio maila bat sortu nahi genuke han ere.
Eta aurtengo, ideia bat izan dut eta zure laguntza beharko dut.
A bai??? Eta zertan?
Mari, Pierino, Mado…….ikasle horiekin, ikaskuntza konbinatuan ariko gira aurten.
Ikaskuntza konbinatua???
Ba… Orai arte, astean bi aldiz etortzen ziren gau eskolara eta oinarrizko ezagutzak lortu dituzte. Aurten, astean behin etorriko dira gurekin klasera. Kurtso hori «presentziala» deituko dugu eta beste kurtsoa etxetik, ordenagailuaren bidez. Guk ariketak prestatuko ditugu eta horiek egin beharko dituzte, bainan etxetik. Horrela lan pertsonalizatuago bat eskaintzen ahalko diegu.
Besterik?
Bai, azken gauza bat ere. Gure helbidea eta telefonoa ez dira kanbiatu. Donapaleuko auzitegi karrika, 17an gira eta gure telefonoa 05.59.65.89.21 da. Haatik, gure helbide elektronikoa laster aldatuko da. Orai arte amikuzeko.gaueskola@sfr.fr zen eta horrela egonen da hilabete batez baina gero amikuze@aek.eus izanen da.
Au fait, kafea nahi duzu?

« Erauntsi gaichtoetarik
Begira gaitzatzu Yauna
——– + —————- + ———
Othoitz egizu guretzat
Ama Virgina »

Pasa den ostiralean, martxoaren 14ean, Frantxixkanoen etxearen aintzinean, bederatziak eta erditan hitzordu bat bagenuen.

Eguzkiaz baliatzeko, Soihartzeko kaperara joaitea erabaki genuen.

Marik gonbidatu gintuen bere etxera kafearen edatera eta gero abiapuntura joan ginen autoz.

Zazpi ikasle ginen eta Bixente, gure irakaslea, gurekin zen.

Igaiten genuen bidea patartsua eta harritsua zen.

Denbora ederra eta beroa zen.

Mendi tontorrean Soiartzeko Kapera han zegoen.

Han zen norabide mahainetik, Bixentek mendi eta herriak erakutsi zauzkigun.

Ibarrean Haranbeltzeko kapera ikusi ahal izan genuen ere.

Bista ederra zen bainan lainotsua zen. Mendiko suak hasiak dira.

Kaperaren ondoan, pausa bat egin genuen. Madoren bixkotxa jan genuen, kafea eta sagar jusa edan genituen.

Txori ainitz ikusi genuen: saiak, sai xuriak, miruak, busakoak, beleak eta abar.

Sai xuriak negua Afrika tropikalean iragaiten du eta martxoaren hastapenean heltzen da Euskal Herrira. Xiberoan “behibideko andere xuria” deitzen omen dute.

Lore batzu ere ikusi genituen: gorostiak, oteak, elorri xuriak….

Bainan itzultzeko tenorea zen. Berriz ere, Mariren etxean, aperitifa edan genuen.

Zer egun polita zen!

Amikuzeko Gau Eskolako A2-2 maila

Mari

Pierino

Mado

Filipe

Olivia

Filipe

Kati

Sébastien

Mylène