ZABALIK » bertso

XILABA 2019 : saio bat Amenduzeko eiheran urriaren 11an

Zabalik elkartea — Sun, 15 Sep 2019 06:41:25 +0000

Irailaren 20an Itsasun hasiko da, eta 12 saio jokaturik azaroaren 16an Izturitzen bukatuko da xapelketa hau. Amikuzekoentzat, saio bat iganen da Amenduzeko eiheran, urriaren 11an, bertso afariarekin, astiriko 7etarik goiti. Nazan ez erortzeari kasu eman beharko da haatik ! ;o))

Tokiko Eskukula taldeak hor jokatuko du bere bigarren haitada. Lehena, buruilaren 21ean, ibiakoitzeko 7etarik aitzina duelarik Hazparneko Bob’s beer enpresan.

Lehen fasean 9 saio izanen dira, ondoren 2 finalerdi, eta final handia azkenik.

Aldi guziez 2 talde lehiatuko dira, eta finala aitzinekora arte entzulegoko norbait eta beste ligaxketako bertsulariak izanen dira epaile.

Zato zu ere zure lagun, ezagun edo herrikideak, sustengatzera, irri egitera eta txaloak jotzera… zu gabe ez baitira deus!

Huna, bixta ona dutenentzat, egitarau osoa hemen :

« Gela huntan matematika erakasle bat bada. Asmazazue nor den… »

Zabalik elkartea — Thu, 10 Dec 2015 07:00:47 +0000

Joan den 2013ko azaroaren 1ean, bertsu afaria izan genuen Pinkenia ostatuan, Maialen Lujanbio eta Jon Maiarekin. 80 afaltiar bildu ginen eta giroa polliki-polliki berotzen ari zen. Halako batean, Xan Alkatek gai hau ekarri zuen : « matematika irakasle bat bada gela huntan, atzemazue ». Lehenago, ariketa bertsuan ezarriak zituen, orduan pilotari baten bila. Ez zuten asmatu, indize bakarra izan baitzuten eskueri so egin beharko zela, baina han laborari zenbait izanki, denek esku eta hatz makurrak zituzten, nola bereiz pilotaria beraz ?!

Oraingoan, Jon Maiak aski fite aurkitzen du nor bilatu behar zen, eta publikotik giroa grado bat gehiago berotu zen. Maialenek behin goizegi atzeman duela erraten badio ere, aurkitzen dute beti hari bat segitzeko, noiz eta Maialenek salatzen duen, matematika erakasleak, matematikari baino gasnegile dituela bere ikasleak. Behatzaileak hautemaiten dira irriz lehertzen, esku-zartak danbaka. Nolazpait, asmatu zuten gure bertsolariek, eta oroitzapenak atxikiko du bertsu afari hori gure gogoetan itzaturik.

LIBERTIMENDUA heldu da

Zabalik elkartea — Mon, 07 Jul 2014 10:13:28 +0000

Azken 5 urteetan abiatu abenturak, aurten ere izanen du bere jarraipena. Jakin dugunaz helduden otsailaren 23an iganen da libertimendu eguna. Beti bezala, segeretu handian lan egiten dute Amikuzeko gazteek, bainan jakin ahal izan dugu aurten igandeko bazkaria eta bazkalondoari indar gehiago eman nahi diotela, pesta eguna denen pesta ere izan dadien.

Santibate eskea aldiz, otsailaren 8an eginen da. Hau hirugarren aldikotz eginen da Donapaleuko karriketan gaindi, ostatuz-ostatu, gauez-gau eta maskaturik zirtzilek usatzen duten gisan.

Antton Luku garaztarrak ditu ihaute-aroko ospakizun hauek berriz xutik eman, duela hamar urte hurbil. Dantza.com webgunean zintzilikatu dituen hiru artikulutan xehetasun gehiago aurki ditzakezu :

Libertimendua
Santibate edo Martin beltza gogoan
Zirtzilen estetika

Kultura ikusteko ez baina bizitzeko Pharmacie Cialis gauza gisa ulertzen dugunen plazerrarentzat.

BERTSOLARI filmaren proiekzioa

Zabalik elkartea — Sat, 22 Mar 2014 09:22:07 +0000

Helduden ostiralean, apririlaren 28an, aratseko 8ak eta erditan.

» BERTSOLARI «

Filmaren proiekzioa. Ikus loturik « Trailer »-a…

Zerbitzu guneko gibeleko gelan.

Zauzte Gustian !!

Aldaka Gaztetxeak antolatua.

Asier Altuna, Zuzendariaren Hausnarketak :

Gaiak berak lagundu digu estimulu moduan filma sortzeko prozesuetan. Asko gozatu dugu inprobisatzen, gidoia filma egin ahala idazten, lehenik amaiera pentsatzen –bertsolariek egiten duten bezala–, bertsoen egitura eta pelikularena alderatzen, isiluneekin eta biluztasunarekin jokatzen, bertigoarekin. Baina batez ere intuizioak gidatu gaitu. Nora iritsiko ginatekeen oso ondo jakin gabe, prozesuarekin gozatu dugu, eta bukatu dugunean izugarrizko poza sentitu dugu.

Ta informazio geihago www.txintxua.com webgunean…