Bertso afaria abendoaren 23an, ostirale astiriko 7etarik aitzina Behaskanen, Miren ARTETXE eta Aitor SARRIEGIrekin.

Biek, txapelekta nagusiko zurrunbilo kanpotik, beren begirada xorrotxa eta umoretsua xerbitxatuko daukute.

Eta afari paregabea izanen omen da gainera…

Deitu edo hobe mezu bat uztea : 06.81.51.96.83

Gaualdia 22€.

Aurtengoan Behaskane herriari eginen diogu bisita, eta Gipuzkoatik Oihana Iguaran eta Aitor Sarriegi jinen zauzkigu kanturat.

Bi bertsulariek, bi belaunaldi ordezkatzen dituzte nolazpait, ta bertsu plaza ugari kurrituak dituzte biek ere.

Hitzekin jostetan, bertsutan dantzan, harrituko gaituzte dudarik gabe.

Hitzordua ez gal.

Aintzin jasta bat hemen berean. Iauf!!

https://www.youtube.com/watch?v=Qb2bdfGDZRza

 Abendoaren 18an beraz, Behaskanen, astiriko 7etatik goiti

Tokia atxikazue aitzinetik : 06.81.51.96.83

]]> https://zabalik-amikuze.eus/bertso-afaria-behaskanen-20211218an/feed/ 0 https://zabalik-amikuze.eus/bertsu-afaria-martxutan-odei-barroso-eta-jesus-mari-irazurekin/ https://zabalik-amikuze.eus/bertsu-afaria-martxutan-odei-barroso-eta-jesus-mari-irazurekin/#comments Wed, 12 Dec 2018 20:37:49 +0000 http://zabalik-amikuze.eus/?p=2277 Segi irakurtzen →]]>  

Abendoaren 22an, ibiakoitz arratsean, bertsu afaria antolatua da, Martxutako pesta gelan aurten. Elkarteko sukaldariek afaria tokiko mozkin biologikoz osatuko dute usaian bezala, eta astiriko 7etan abiatuko da aperitifa. Afal ondoan, ez dugu dudatzen Odei Barroso eta Jesus Mari Irazuk ere, bertso naturalak eskainiko dituztela.

Azken urteetan, Amikuzeko herri desberdinetan aldizka, bertso afari hau muntatua da, eta urtez-urte gaualdi zinez alegera eta gozoa igaiten dute hortara hurbiltzen direnek. Eskukulako bertso eskolakoek gaiak prestatuko dituzte, eta afal-ondoko saio ofizialetik landa, nork daki ez direnez hauek ere arituko gauean barna, geldituko direnekin batera, ostatu xokotik…

Afarirako, izenak eman behar dira, hemendik beretik mezuz igorriz, edo Pettani deituz : 06 81 51 96 83.

Hemen beherean, Odei Barroso eta Jesus Mari Irazu kantari diren bi bertsoaldi ezarri ditugu, baten eta bestearen trebeziaren jasta gisa.

Joan den urriaren 13an, taldekako Xilabaren estakuruz, bertso-afari bat izan zen Altzumartako gelan. 80 afaltiar, barne 6 bertsulari, Musutruk txarangak ere bazterrak alaitu zituela. Amikuzeko Eskukulako taldetik Ramuntxo Kristi, Bittor Tikoipe eta Paul Moal arizan ziren, eta Garaziko Otsoaren 7 umetarik, Miren Artetxe, Eki Perrier eta Oier Urreizti.

Gazte ainitz bazen jinik, batean isilik beha, bestean arrabots handitan beren esker on edo poza adierazten (afaritik landa zen ere!).

Garazikoak nagusitu dira, bilo mutur batez, baina hori zen gutiena, bertsoaren plazera eta tentsioa biziki ongi pasarazi baitziren, eta denentzat pozgarria izan zelako, giroak hori zuen erakutsi bederen.

Azken agurrean, Mirenek holako zerbait azpimarratzen zuen funtsean :

(Airea: Iparragirre abila dela)

Zinez saria da ikustea sala handi hau beteta

ta egiazko bertsolariak kantuz umorez taldeka

zinezko gozamena

jolasa da sormena

ez joaitea puntuen xeka

behar den guzia bertsoa baita ez lehia ta ez txapelketa

7tan ginuen hitzordua, Pinkenian. “Hotel de la Paix” kanpotiarrentzat. Apeitifa hasi ginuen, berantiarren goaitatzeko, ta «gibeleko» salarat pasatzen ginen, hortik aski fite. Hurbildu ginen 80 jendeentzat, dekorrak berak, aurreikusten zuen gaualdi goxoa.

Untsa afaldu, patxaran pare bat edan, giroa ja berotua zen saioa hasteko. Xan-ek ere, ofiziokoa zela erakutsi zuen, saioaren sarrerak, segitu baitzuen gure berotzen ta gaien originaltasun ta aniztasunak bere mitsa ekarri baitzuen gaualdiari. Publikoak ere, dudarik gabe, bere ekarpena eman zuen!! Adibide gisa, xiberotarrek untsa ezagutzen duten “lekuko hitzen” gaian, gizkeia hitzak piztu zuen gabadiar ta amenduztarren arteko pataskañoa.

Zer erran gero bertsoetaz?? Zailegia litaike, bat edo beste, multzotik ateratzea, hainbeste izan dira… Ta ez zaizte harrituko, aitortzen badauzuet, kristoren bertso saioa izan dela. Saioaren 2 orenak (eta pixka bat geihago ere) vristez pasatu dira, ta pariatzen dut nor nahirekin, jende bat ere ez, ez dela enoatu! Gaualdi paregabea, urte oroz errepikatuko dena agian…

Saioaren audioa, bere osotasunean juntaturik atxemanen duzue. Goza ezazue…