Ezin hutsegina, udari harrera ona egiteko estakuru ezin hobea, adin guzietako gazteak biltzeko estakuruan !

Gaztetxeen biraren karietara, Amikuzen geldituko dira bazterrak girotzeko

Aurresalmentak izanen dira, adi egon

EUSKAL HERRIAN EUSKARAZek antolatu hitzaldi sorta ALDAKA gaztetxeak ekarrarazi du Donapaleuraino. Eneko BIDEGAIN, erakasle eta idazleak ‘Hizkuntza eta Lurraldea’ bere liburuko solasak aurkeztu zizkigun, ongi neurtu eta landu hitzaldi batetan. Artetik erraiteko, ohargarriko power-point bat baliatzen du, marrazki eta argazki ezinago eder eta iradokitzaileekin. Baina hori erranik, gaia potolo bezain seriosa da. Bere hitzak ez ditugu honara ekarriko, horretarako liburuari lotzea gomendatzen baitugu. Baina gaualdi horretan harrotu gaien harira, eta gai ainitz hunki ziren, gauza bat argitu da bederen : nazio estrategia ahulekin bagabiltza aitzina, gureak eta gure hizkuntzarenak egina duela!

Bukaeran izan zen parte hartzaileekilako solasetan, agertu zen garbi, Jose Manuel Odriozolak zabaldu konzeptuen bidetik, etnologiako atxikimendua zela garatuen gure artean, nolazbait frantses edo espainol ikuspegitik onargarria den euskaltasun bat, heriotz usainekoa, baina bizigarriaren ustekeriakoa egunerokoan. Horren kontrapuntuan, nazio ikuspegia ginuke behar, estrategia nazional batetara behartzen gaituena!

Ideiak, oharrak, diagnostikoak, errealitatea bera, hor dira arrazoinaren finkatzerakoan. Nola lot xantierrari, horra ausnarketaren ondoko urratsa… Agian, gauzak beren izenez deitzea eta begiak zabalik ibiltzea, urrats horietarik lehena da jadanik.

Ostirale arratseko 8etan, Aldaka Gaztetxean, ENEKO BIDEGAIN, idazle eta kazetariak hitzaldia eskainiko du ALDAKA gaztetxeak eta EUSKAL HERRIAN EUSKARAZek gomitaturik.

Hizkuntza politika eta lurralde politika lotuak dira. Hori ezagun da administrazioan, kulturan eta, oroz gainetik, ekonomian. Ekonomiaren hizkuntzak sekulako eragina du euskaldunen arteko mugimenduetan, mapa mentaletan eta euskararen egoeran. Euskararen egiazko estatusa dago horren gibelean : zenbateraino ematen zaion leku sinbolikoa eta zenbateraino baztertzen den. Testuinguru horretan, euskararen egoerari buruzko estatistiken irakurketa kontrajarriak egin litezke.

Horra zeren inguruan gogoetatzera gomitatzen gaituen ALDAKA gaztetxeak Euskal Herrian Euskarazekin, Eneko BIDEGAIN, erakasle, ikertzaile eta idazlea gomitatuz gure akulatzaile lanetarako.

Hemen entzungai duzue ZUZEU atarian, Eneko Bidegainek beste batzuekin izan solasaldi bat gai hauen inguruan. Emankizunaren bigarren partean suertatzen da, zehazki 37. minututik aitzina. Klika.

Aurtengo urte betetzea etorri zaigu !! Martxoaren 30ean, egun osoko programa !

Eguerditan : zintzur bustitzea Xupz txarangak alaiturik

Bertso bazkaria : Amikuztar Eskukula famatua, eta Ezkorbruta talde xelebrearekin!

> Izena eman Ttittant-i 07 67 66 65 23 ra

Arratsaldean : joko animazioak…mus, molki, petanka, junggle speed, blind test…!

Arratsean, kontzertuak, hiru talde mitikorekin :
9ak30tan : Antton Larrandaburu & Bitxiloreak (folk-rock, rock)

10ak30tan :  2zio (rapa)

Gauerditan: Doctor Mephisto (soul blues)

Zatozte saldoannnn, giro ezin hobea izanen da!

Azaroraren 24an, ibiakoitz arratsez Aldaka gaztetxearen berriz abiatzearen gaualdia izanen da. Kontzertuko taldeak hauek izanen dira : Agus Craic (Amikuztar rock), Torheit (Suhuskundar metal) eta Xiberoots (Xiberotar reggae).

Bezperan, azaroaren 23an, Euskaraldiaren tailer-aperitifa iganen da Amikuzeko euskalgintzak antolatua gaztetxeko ekipa berriarekin.

Belaunaldi aldaketetan gerta liteke erreleboa ez hor izatea borta gibelean prest jarraipena segidan hartzeko. Gainera, barne gogetarako ere, denbora bat behar izaten da berriz abiatu aitzin lanpa peko argitan. Hara nola, loaldi baten ondotik, ekipa berri bat agertu eta uzten zuen taldearekin batera lokalaren menaia egin zutela argazkitan ikusten den bezala. Geroztik, gaztetxea irekia izan da migranteendako arropa eta pusken emaitzen bilgune gisa. Eta orain, beren eginkizun naturalera itzultzen zaizkigu kontzertu bat antolatuz.

Loalditik landa, loraldi eder eta aberats bat opa diegu deneri, bai aitzineko belaunaldiari, eskerrak emanez beren ekarpenarendako Amikuzeko bizitzan, bai eta gaurkoari, beren asmo eta ametsen obratzeko tresna baliagarria izan dakien Donapaleuko gaztetxea.

Aintzina beti !

Hona bi elkarteek helarazten diguten mezua :

Zinkak antolatzen duen bezala Maulen, Donapaleun ere MIGRANTEEN SUSTENGUZ BILKETA bat antolatzen da ibiakoitz huntan.

Bilketa hori Aldaka gaztetxean eginen da urriaren 27an, ibiakoitzez, goizeko 9etatik 13etara.

Denetarik behar dute : jantzi beroak, estalkiak, janaria… Azpiko zerrendan atzemanen dituzue gehienik behar diren ekarpenak.

Ez duda mezu horren pasaraztea zuen inguruan eta zauzte saldoan !

Milesker aintzinetik eta laster arte !

Beharrak :

– trikotak, berokiak, euritakoak.

– zapatak (beroak ahalaz).

– eskularruak, lepokoak, burukoak (biziki galdeginak dira).

– hortzetako pasta eta eskuila.

– xatarrak, oihalñoak, jantzi beroak ñiñientzat, ñiñiak atxikitzeko oihalak.

– zapi higienikoak.

– estalkiak (biziki gadeginak)

– larrialdietarako estalkiak.

– plastikozko estalkiak (lurrean jartzeko gisan, edo euritik babesteko)

– bizkarreko zakuak.

– termo botilak.

– platera barnedunak, gatilu handiak, koilara-furtxetak. Plastikozkoak, berriz erabili daitezkeenak.

– janari aldetik : irrisa, kontserbak, saltsak baina xerrikirik gabe, patata kontserbak, lentilla kontserbak…

Ibiakoitz huntan, apirilaren 22a, eguerditik … noizbait arte, Amikuzeko ALDAKA gaztetxean urtaburu besta ospatuko dugu. Lehen belaunaldiak urteak eta urteak iragan ondoan toki bat lortu beharrez, azkenean Nafarroako etorbideko lokalxkot hortan plantatzen ziren. Bigarren belaunaldiak biziarazi zuen proiektua, eta gaur hirugarrena da xedearen ardura bizkar gainean duena. Azken denboretan animazio edo gertakariak bekandu badira, laugarrena hurbiltzen ari zaie, eta  izanen ote dira aski bultzada berri baten emaiteko ? Hona galdera gordinki egina. Izan dadila besta hau indarberritzearen finkagia, sekulan baino gehiago Amikuzek bere gazteen alda(ka)tzeko borondatearen beharra baitu.

Hona egunaren programa :

APIRILAREN  22 an ALDAKAK 10 urte !!!

Eguerditan, BERTSO BAZKARIA

- Battitt Crouspeyre

     – Patxi Iriart

Izenak eman (Paul) : 06.42.95.70.13

Gauean KONTZERTUAK:

            - Buuzbu

      – Fitz & Furiuz

      – Xixtor of a down

#ezEgonTtunttuna#donplenDapestaOna

Erreserbatzeko: astezkena aintzin deitu edo mezu bat igorri 06.77.79.01.45.