Abendoaren 10etik 14ra,arratseko 5etarik 7etara Korrikako jantzi salmenta eginen da Amikuzeko Gau eskolako lokalean. Ximiko berri edo kilika baten egiteko estakuru ederra !

Euskal hiztunak nahi ditu gau eskolak bere ikasleekin jokoan aritzeko astiri batez. Hortarako, trago bat eskainia izanen da hurbiltzen den orori. Jokoan aritzeko plazerraz bestalde, ikasten ari direnen ezagutza egitea eta bonusean memento goxo baten igaitea dira hitzemanak beraz. Hona gau eskolaren gomita:

« Abenduaren 12an, Donapaleuko La Paix jatetxean, gaueko 7etatik goiti, joko gaualdi bat euskaraz antolatzen dugu. Deneri zabalik da (Xiberoko gau eskolako ikasle batzuek ere parte hartuko dute)
Helburua da jokoen bidez euskaraz mintzatzea eta klasean ikasi duguna erabiltzea. Izan ere, hizkuntzaren praktikatzeak eragin handia du ikasprozesuan.
Pertsonaren euskara mailaren araberakoa jokoak izanen dira iniziazioko ikasleek ere parte har dezaten (dena den, laguntzeko hor izanen gira).
Astearteko klaseek, Jojo eta Sandrarekin direnek, kurtsorik ez dute ukanen. Kurtsoa ez da ezeztatua bainan joko gaualdian parte hartuko dute. »

Abendoan bi joko gaualdi, euskaraz gozatzeko !

Euskal Hirigune Elkargoak, AEK eta Amikuzeko Zabalik elkarteekin partaidetzan, bi joko gaualdi antolatzen ditu.

• Abenduaren 7an, Beskoitzeko Xirritan gelan, 20.00etarik aitzina
• Abenduaren 12an, Donapauleko La Paix jatetxean, 19.00etarik aitzina.

Euskararen ikasteko prozesuan, hizkuntzaren praktikatzeak eragin handia du. Behar honi ihardesteko, Euskal Elkargoak, euskalgintzarekin partaidetzan, joko gaualdiak antolatzen ditu : euskararen praktikatzeko hitzordu horiek, AEKko ikasleak eta euskaldun zaharrak nahasi nahi dituzte, memento goxo baten pasatzeko asmoz, joko batzuen bidez, euskaraz mintzatzeko parada eskainiz.

AEKko ikasleak hor izanen dira, ea beste hainbeste euskaldun motibatzen diren hauekin bi irri eta lau solas ukaiteko…

Ibilbidea

-Apirilaren 2an (igandearekin), goizeko 10etan, Arnegitik sartzen da.
– Apirilaren 2an, goizeko 11etan, Garazin
– Baionara buruz joaiten da eta han izanen da apirilaren 2an, arratsaldeko 5ak eta 30tan
– Hazparnetik jinen zauku Korrika
– Donapaleun, apirilaren 3an (astelehenarekin), goizeko 7ak eta 15etan.
– Maulen, apirilaren 3an, goizeko 10etan
– Larzabalen eguerdiko oren 1ean

Otsailaren 11a (ebiakoitza)

KORRIKA 20 urtemugaren besta Irungo FICOBAn iraganen da, eguerdiko oren 1etik arratsaldeko 8etara.

Hogoigarrena denez, zerbait aski polita aurreikusten da: Bazkari, animazio, musika, omenaldia eta abar luze bat (sartzea 20 €tan).

Korrika badator ! 20.edizioaren jantzi kolekzionea  !

Negurako sweat bat nahi? Eguberriz zure amatxiri jogging bat eskaini nahi? Korrikako lekuko-giltzeroa zurekin eramaitea amesten duzu? Ez kezka! Korrikaren jantziak Amikuzen salgai izanen dira aurten ere, Gogotik saltegian eta Gau eskolan. Jin gustian!
Eta adi egon, laster Korrikaren kantua heldu da!

Ez ahantz ere udaberriko ikastaldiak heldu direla. Gure euskara hobetzeko molderik hoberena : izena eman!

ESKAINTZA OSOA (Hego eta Ipar Euskal Herrian):

http://www.aek.eus/index.php/eu/418-udako-eskaintza
Aukera ezin zabalagoa; ikasi eta bizi izandakoa ez duzu ahantziko.

Eta abar luze bat…

Donapaleuko auzitegi karrikan dugun egoitzan sartu nintzelarik, agorril erditsutan, denak lo ziren, seko : bulegoa, ordenagailua, kafe makina. Eta bazen bai, lokala zerraturik egoiten delarik maite ez dutan zoko usain hori.

Leihoak zabaltzen ditut, ordenagailua piztu dut eta…..
Zer!!!! Jadanik fini????? Baina klaseak urriaren 5ean hasiko dira. erran daut ordenagailuak, harriturik.
Bai, urriaren 5ean, bai. Baina zer uste duzu zuk. Lana hor dugu to! Ageri da berria zirela zu AEK-n.
Ikasle berriendako izen emaite kanpaina antolatu behar dugu, gure usaiazko ikasleak deitu behar ditugu eta abar luze bat.
Humm, Bixente. Ez dut batere maite «eta abar luze bat» erraiten duzularik. Zer bada horren gibelean?
Lasai! Lehenik kafea prestatzen dut eta gero, dena esplikatuko dauzut.
Beraz, hau da aurreikusi dutana.
. iragan urteko ikasleeri izena berriz emaiteko mezu bat igorri behar diegu.
. gure izen emaite astea prestatu behar dugu.
Buruilaren 21etik 25era, arratsaldeko 2etatik 8etara Donapaleuko egoitzan atxikiko dugu eta buruilaren 26an, goizeko 9etatik 12etara, Hoztako herriko etxean.
Zer, Hoztan, azken postan???
Bai. Pasa den urtean, iniziazio maila izan zen Asiskorekin. Ikasle horiek segitzen dute baina beste iniziazio maila bat sortu nahi genuke han ere.
Eta aurtengo, ideia bat izan dut eta zure laguntza beharko dut.
A bai??? Eta zertan?
Mari, Pierino, Mado…….ikasle horiekin, ikaskuntza konbinatuan ariko gira aurten.
Ikaskuntza konbinatua???
Ba… Orai arte, astean bi aldiz etortzen ziren gau eskolara eta oinarrizko ezagutzak lortu dituzte. Aurten, astean behin etorriko dira gurekin klasera. Kurtso hori «presentziala» deituko dugu eta beste kurtsoa etxetik, ordenagailuaren bidez. Guk ariketak prestatuko ditugu eta horiek egin beharko dituzte, bainan etxetik. Horrela lan pertsonalizatuago bat eskaintzen ahalko diegu.
Besterik?
Bai, azken gauza bat ere. Gure helbidea eta telefonoa ez dira kanbiatu. Donapaleuko auzitegi karrika, 17an gira eta gure telefonoa 05.59.65.89.21 da. Haatik, gure helbide elektronikoa laster aldatuko da. Orai arte amikuzeko.gaueskola@sfr.fr zen eta horrela egonen da hilabete batez baina gero amikuze@aek.eus izanen da.
Au fait, kafea nahi duzu?

Euskararen erabilera Amikuzen arrunt ahula dela ez da sekretu bat, (gutti gorabehera Euskal Herri osoan bezala funtsean). Alta euskaldunak hor gira, batzuek ulertzen dute, beste batzuk hitz egiten dute (kiskun kaskun bada ere) bainan hameka arrazoiren gatik ez dugu erabiltzen.

Hori abiabuntu gisa hartuz gero, gure inguruko berrogoi bat gazte kontaktatu ditugu proposatzeko Mintzapratikari juntatzea. Hau da, bi astetarik biltzea, 5pa6 lagunen artean, pare batek euskara menperatzen duena (mintzalagunak) besteek guttiago (mintzakideak). Oren bat ta erdiz, zoin nahi gairi buruz hitz egitea da helburua. Lotsa gabe, jujamendurik gabe, goxoan…

Gaur, badu zonbait hilabete, bi aste guziz elkartzen girela dozena bat lagun. Guri juntatzeko gogoa baduzu, taldeak osatzeko edo berriak sortzeko, kontakta gaitzazu, plazerrekin harrera eginen dizugu, euskaraz prefosta !!!