Bigarren aldikotz hor dugu bertso saio berezi bezain goxo eta freskagarria.

Kopla berez laburra da, eta ezin hobea zirtoa, umorea eta pindarra sartzeko.

Eta baxenabarreko bertsolari gazte hauek, ezin hobeki jarriak dira hortarako!

Amenduzen lehen aldia izan zen hura, ez dugu ahantzia, eta oraingoan Larzabale ezpeletenian izanen ditugu, urriaren 17 huntan, astiriko 6etarik goiti.

Nafar Ateneoak, 6 urte huntan 7 liburukiz osatua den obraren itzulpena burutzen ari du. Urtean bat, eta argitalpena irakurraldi publiko batekin ospatzen da urtero. Iruñea, Amaiur, Orbaizeta, Zangoza eta Altsasutik landa, hona aurten Erriberri eta Donapaleuren aldi dela.

Joan den buruilaren 26an, Zabalik elkarteak Iruñeako Nafar Ateneoa elkartea gomitatu zuen Margarita Nafarrokoaren Heptameron obraren 6. liburukiaren irakurketa egiteko Donapaleun.

Bost mende geroago, literatur obra bizi, bitxi eta bixi-bixia izaten segitzen du. Margarita, Nafarroko erregina, ernazimentuko figura bat da, eta umore eta arrailleria dosi on batekin deskribatu ditu bere garaiko gertakariak. Nobleen eta elizgizonen inpunitate eta gehiegikeriak kondatzen dizkigu, beren peko jendeen bortxaketa, erahiltze eta mota guzietako jukutrien arrosarioa biribilkatuz.

Badu 6 urte Nafar Ateneoak urtero liburuki baten irakurketa antolatzen duela, eta datorren urtean eginen da zazpigarren eta azkena. Donapaleura jitea ez zuten hutsegiten ahal eta 50 bat irakurle aldizka igan dira taula gainera 3 oreneko iraupenean (argazkiak ikus webgunean). Ondotik bazkaldu ziren, Nafarroa eternalari kantu zonbait eskaini, eta hiri zaharraren bisita batekin eguna bururatu.

Zabalik elkarteak eskertzen ditu irakurle eta entzule guziak, Donapaleuko herriko etxea eta auzapeza ekarri laguntzarentzat, ahantzi gabe bere lankide izan diren Nafar Ateneoko adiskideak.

Urtetik-urtera, amikuztar hauek gure historiako gune ahantzi edo gordeak deskubriarazten dizkigute.

Entzun dugunez, beste urterako, gertakari zerbait prestatzen ari omen dute… Adi egonen gira !

2021eko azken inkesta soziolinguistikoaren emaitzek eta euskarak jasaten dituen erasoek kezkaturik, Euskal Konfederazioak gogoeta bat abiatu du, euskararen aldeko hizkuntza politika publikoetan pisu handiagoa izateko nola egin ikusteko.

Gogoeta horren ondorioz, Euskal Konfederazioa – Norabide berriak txostena atera zen, eta Euskal Konfederazioko kideek urte hasieran eginiko Ezohiko Biltzar Nagusian onartu zuten. Biltzar berean, heldu den azaroaren 21ean Baionan euskararen koofizialtasuna aldarrikatzeko manifestazio handi bat egiteko printzipioa ere aho batez onartu zen.

Norabide berri horiek eta «Euskararen garaia da – Notre choix l’euskara» manifestazioa aurkezteko, Euskal Konfederazioak bilkura publiko ziklo bat antolatzen du ipar Euskal Herri osoan zehar.

Zure eskualdeko bilkura iraganen da:

Eguna : Irailaren 23an, asteazkena

Ordua : 19.00etan

Tokia : Donapaleuko Herriko etxeko gela berdean

Bilkura denei idekia da : euskararen alde lanean ari diren elkarteei, kultura- eta kirol-elkarteei zein bestelako elkarteei, baita euskaltzale guztiei ere, euskaldunak izan ala ez.

Bilkura honetan, egitasmoa aurkeztu, norabide berri horien inguruan elkarrekin eztabaidatu eta azaroaren 21eko mobilizazioa elkarrekin prestatzeko aukera izanen dugu.

Elkarrekin solastatzeko parada izanen dugulakoan, laster arte!

Euskal Konfederazioa

Aritz Ibarra Gasteiztarra ezagutzen dugu Donapaleun, berak baitzuen 2023ko Nafarroa bizirik pesta eguneko afitxa ederra egin.

Berriz dator hemen berak gaztean irakurri nahiko zukeen liburua eginik. Bertan eskaintzen dauzkigu erromatarren denboratik 17. mendea artino, gure herriak bizi izan dituen historiako gora-beherak.

Kontakizun hau garaiezinak omen ziren inperioen erorketari biziraun dion Herriarena da. Erromatar konkistatik Nafarroako erresumaren burujabetza osoaren amaieraraino (1620).

Azken finean, euskaldunen biziraupenerako borondate historikoa laburbiltzen duen ilustrazio-liburua dugu esku artean.

Buruilaren 19an, goizeko 10etan Aritz Ibarra bera Donapaleuko mediatekan izanen dugu, gure galdeeri erantzuteko, bai eta esplikatzeko nola kausitu duen hain kontakizun arin eta ulertu errexa moldatu duen hainbeste gertakari eta mende barne hartuz.

Usatuko bertso bazkaria igande eguerdiarekin (07/26ean), Touzaa etxean…

Aurtengo bertsolariak :

Irati Alkantarilla, Aitor Etxeberriazarraga eta Ramuntxo Kristi.

Gozo goseren ahotik ezin utzizkoekin.

Izena eman mezuz : 06.81.51.96.83

Gaztetxeak aitzinetik, igande goizez (07/26an), askaria eskaintzen du abere merkatu plazan…

Aldagoxaria gozatzen ahalko duzue 10etarik eguerdia arte, musika eta behar diren guziekin!

Hurbildu gustian.

Ahantzi gabe muskuilu patatak ostirale arratsean ikastolaren eskutik…

Urtero bezala, ostirale arratsean (07/24an), arrakasta handia biltzen duen afaria, arratseko 8etarik goiti, merkatu estali berrituan. Watsonek alaiturik.

Eta igande arratsaldeko 5etarik goiti (07/26an), kantaldia :

HIRURI taldea

Lea eta Anuxka bikotea

KALAKAN

Andoni OLLOKIEGI

]]> https://zabalik-amikuze.eus/2026ko-donapaleuko-bestak-gozatzeko-zenbait-hitzordu/feed/ 0 https://zabalik-amikuze.eus/ehz-arberatzen-30-urte-eta-beti-gazte/ https://zabalik-amikuze.eus/ehz-arberatzen-30-urte-eta-beti-gazte/#comments Thu, 25 Jun 2026 13:34:23 +0000 http://zabalik-amikuze.eus/?p=4789 Hona hemen hiru egunen egitarau (beroa)…

Xehetasun gehiago sare sozialetan.

Bazkaria 26 €tan da eta izen emaiteak zenbaki huntan egin behar dira : 06.37.13.17.47

Etxamendik, beste gauza anitzen artetik 100 bat kantu ondu du bere ibilbidean. Belaunaldi osoek kantatu dituzte denen ezagunak egin direnak, eta badira gure artean dotzenaka dazkiten afizionatuak.

Han bilduko gira, eta bi botzetan arrapinttaka kantatuko dugu andana fier bat !

3000 biztanle pasatzen denean, agian urbanitatez mintzatzen ahal gira baserri mundu huntan (27 herri izan behar 10000 jendeetara heltzeko!).

Hasteko Amikuzeko ikastolak jauzia egin du eta aitzineko urteetan antolatzen zuen lasterketari larruberritze bat eman dio, eta ber punpian, erran bezala, Donapaleuri !

Ekainaren 6eko arratsaldeko 5etan abiatuko dira hainbat lasterketa Donapaleuko Airetik gelatik. Han eginen dira abiatze, heltze eta animazio guziak.

Lasterketak hauek dira, denak hirian barna : 10 km bakarrik, 5 km biek aldizkatuz, eta haurren lasterketa. Sari ederrak badira irabazteko, horietan lehena, Iratiko etxoletan egonaldia.

Sari ematea 7etan begistatua da, eta handik aitzina pesta irekia da : Mutturfinen burgerrak jangai izanen dira Koxegi taldearen musika biziak lagun !

Hurbil urban trailera !