Hizkuntza armairutik atera: Gemma Sanguines, TELP tailerren sortzailea, gurekin!

Badu orai bi urte Baxenabarreko euskara elkarteak TELP tailerrak eskaintzen hasi zirela: lehen hitza euskaraz botatzen ausartzeko ikastaro askatzailea, konplexuak hankaz gora igorriz, eta gure hizkuntzaren erabilpenaren zama partekatzen ikasiz, aldeko espazioak eta jarrerak irabazteko. 50 lagunek parte hartua dute jadanik.

Euskararen Urtaroaren karietara, TELP tailer horien sortzailea, Gemma Sangines, ekarrarazten dugu urriaren 21ean, ostiralez, 20:30etatik goiti Donazaharreko Lutxibordan.

Parada ederra beraz, hainbat gaien ingurinan katzakan artzeko:

• TELP tailerrak Herrialde Katalanetan zergatik eta nola sortu zituzten Gemma Sanginesek eta Ferran Suayk, biak psikologia sozialean adituak izanki

• Hizkuntza minorizatua ofiziala izanik edo ez, edo hizkuntza minorizatuen aldeko politiketan ere, zergatik holako tailerren beharra baden jendea armairutik ateratzeko

• TELP tailerra bizi izan dutenen artean, zer izan den geroztik bakotxaren ibilbidea: goxo, neke, ala biak, hiztun gisa, kontsumitzaile gisa, lankide gisa, elkartekide gisa, lagun gisa, auzo gisa, buraso gisa, amoros gisa…

• Esperientzia partekatze horretarik abiatuz, oraino zailak zaizkigun egoerak kondutan hartu, iruditaku, eta Gemmak bere aholkuak zirtoan emanen ditu!

TELPa egina izan edo ez izan, deneri zabaldua den gaualdia da , euskaraz ausartzeko eta irauteko ahalaz beti!

Irakur hemen Gemma Sanguinesen elkarrizketa bat Ipar EHko Hitzan.

Joan den primaderako arrakastak beroturik, hona bigarren parada bat eskainia zauzuela helduden abandoaren 5 eta 12tan, bi ibiakoitz goizez. Interesatuak bazirezte, izena emazue hemendik beretik aste honetan berean (lekuak mugatuak dira). Baina, badakizue zer den eta nori zuzendua den TELP ikastaldi bat ?

Hona 4 elkarte antolatzaileek (ADUR, HAR’EMAN, LAMINOSINE eta ZABALIKek) moldatu duten aurkezpen testoa:

Zer da TELP?
Herrialde Katalanetan sortu tailer bat (Taller per la llengua), katalanaren erabilpen soziala bultzatzeko xedez. Euskal Herrian praktikatzeko, EMUN taldeak egokiturik heldu zaigu, ikas dezagun eta ausart gaitezen euskara erabiltzen egun guziz, goxoki eta normal, ezagunekin ala ez, gure ingurumenean.

Zer ikasten da?
Tresna praktikoak ematen dira, euskaldunok euskaraz mintzatzeko ditugun aurreiritziak eta konplexuak gainditzeko gisan. Adibidez, saltoki batean, lehen hitza euskaraz egitean, ez zaigula deus larririk gertatuko ikasten da: horrela jokatuz, ateak zabaltzen ditugu, eta euskararen beharra baikorki sortzen.

Zergatik barnekaldean?
Guhaur ohar gaitezen toki pribilegiatuan bizi girela: gure xoko gehienetan, ez da zaila euskaraz dakien, edo bederen konprenitzen duen jendea topatzea. Aberastasun horretaz ohartzeko, tresna eraginkorra bezain sinplea da guk euskaraz luza dezagun lehen hitza, jendea berriz usa dadin euskaraz harremantzen.

Eta erdaldunak, zer?
Erdaldunak ere kondutan hartuak dira: horien enpatia lortzeko tresnak ikasten dira tailerrean, estres linguistikoa gaindituz, eta euskaraz aberastera gomitatuz.

Tailerrak nola iragaiten dira?
Psikologia sozialeko aditu batek zenbait mekanismo esplikatzen ditu, sinpleki, praktikoki eta ludikoki: hainbat ariketa konkretu eta jostagarrien bidez ikasten da. Tailerra bi saiotan banatua da (2 aldiz 5 oren), batetik bertzera entseguak egin ditzagun gure egunerokotasunean.

Nori zabalduak dira?
Eguneroko bere harremanetan euskararen eremua hedatu nahi duen nornahiri, euskaldun zahar eta berriari. Mintzapraktikak egun guziz egin nahi dituenari. Eguberriko opariak euskaraz egin nahi dituenari. Euskaraz bizitzeko nahia eta beharra sendi duen jaun, andere eta zirtzilari.

Noiz, nun, zer?
Abenduaren 5ean (lehen saioa) eta 12an (bigarren saioa), 09:00etatik 14:00etara (pintxo-pausa barne!!!)
Izen-emaitearen arabera: edo Donazaharreko Lutxibordan, edo Izurako Haize Berrin.
Prezioa: 20 euro (gehigarri zerbait haurtzaina behar duenari)
Izena eman azaroaren 20a aitzin (toki-kopuru mugatua!!!!): telp.baxenabarre@gmail.com / 0684173796 (Ainize) / 0687412590 (Xan)
Adur, Har’eman, Laminosine eta Zabalik elkarteek antolaturik.

Ea gogoa emaiten dautzun ondoko tailer batetarako zure izena emaiteko. Ez baita hortan fini, alaintso ! (Izen emaite zerrendak irekiak dira, idatz hemendik beretik).

Info7 irratiak antolatzaile eta parte hartzaile batzuekin egin du ondotik mahain-ingurutxo bat. Hemen gaindi harrapatuko duzue oren erdi eskaseko solasaldi hori.

Otsail ostegunen laugarren gaualdia, otsailaren 27an, formakuntza saio bat izanen da aurten. Topagunea, euskara elkarteen federakuntzako Oskar Zapatak « Zergatik ez ? » ikastaldia eskainiko dauku, jada Miarritzen, Baigorrin edo beste ainitz lekuetan egin izan den bezala.

Gaia

Betiko errana da, multxo batean, hamar jendeetarik batek ez badaki euskaraz, denak frantsesez hasten girela automatikoki. Gertatzen da ere, inertzia berdinen ondorioz, bi euskaradun frantsesez aritzea, euskaraz ahal luketela jabetu gabe. Balio du beraz lantzea noiz eta nola euskaraz hartzen dugun hitza, noiz ixiltzen, noiz bestera pasatzen.

Ikastaldiaren helburua da norbere hizkuntz usaien kontzientzia hartzea, eta elgarrekin ikustea nola alda daitezken hartuak ditugun ohidurak, gaia baikorki eta pratikoki landuz.

Izena eman

Ikastaldian 12 jendeek parte hartzen ahal dute batera, egin ahala interaktiboa izaiteko gisan. Ikastaldi bat baino gehiago planta ditzazkegu, bainan hortarako zuen izena eman behar duzue urtarrilaren 27ko, idatziz gure emailera :

zabalikelkartea@gmail.com

• 2014ko otsailaren 6a : Eñaut ETXAMENDIren kantagintza. Mithindarraren kantu guzien publikatzearen karietara (Maiatz argitaletxean), berarekin eginen dugu kantu horien bidaia. Nola sortu zituen, ze kontestutan, aire eta hitzen egiteko sortzaileak erabili moldeak, artistaren erreferentziak, … horra xilatzera entseatuko giren sekretuak. Kantuz hasi eta finitzeko bistan dena!

• otsailaren 13a : Zero hondarkinetara nola hel ? Gipuzkoan duela urte guti ikaragarriko esperientzia bizitzen ari dute. USURBILeko herria aintzindari, gaur 140000 bizitzale dira beren hondarkinen kasik % 80a birziklatzen dutenak, lehen %20a doi-doia gainditzen zutelarik. Pello ZUBIRIA eta Malores ETXEBERRIA Hernaniko Zero Zabor taldekoek beren lekukotasuna ekarriko digute. Jasta gisa, bideo honen lehen 6 minutak beha dezazkezue.

• otsailaren 20a : FAGOR Etxetresnak erorita, zertan dira kooperatibak ? Arrasateko mirakuiluak, inarrosaldi handia ezagutu du azken urtean. Rene HARLUXET Mithindarra eta Ximun LACROIX Behauztarra, biak Mondragon taldeko kooperatiba bateko patzuerrak dira. Bi belaunaldi diferentekoak izanki, beren esperientziaren berri emanen daukute, bai eta nola ikusten duten gaurko egoera.

• otsailaren 27a : Zergatik ez ? formakuntza tailerra. Kataluniatik jina zauku Tallers per la llengua (TELP) formakuntza moldea. Gure hizkuntzarekin dugun harremana doloretsua, konplexez betea eta itoa izaitetik, hortaz gogoeta egitea eta jarrera baikorrak sustatzea du helburu. Hamabi laguneko multxoekin antolatzen da eta bi oren pasa irauten du. ZABALIK elkartearen xedea da sentsibilisaziorako lehen urrats gisa gaualdi honetarik abiatzea, ondotik formakuntza sail oso bat idekitzeko gai beraren haritik. Hona hemen, tallers horien sortzaileeri BERRIA egunkariak egin berri duen elkarrizketa bat. Ez duda, haatik eman zure izena urtarrilaren 27ko email bidez.

Otsail ostegunak 1997an abiatu ziren eta hemen duzue 2012an Kanaldude telebistak egin zion erreportaia.