GASTEIZen heltzean, MAIALEN LUJANBIOk zuen 21. Korrikako mezua irakurri. Mezu hori bera 11 egunez Euskal Herriko xoko guzietan pasatu zen eskuz-esku, lekukoaren barnean baitzegoen. Zinez sinbolo ederrez betea da KORRIKA : denak gira partaide, elgarrekin eramaiten dugu lekukoa, bakotxak bere aldian, bakotxak bere lekuan, bere tokitik, ez da lehiarik, nun ez den gure buruari emaiten dioguna hizkuntza hunen alde konprometitzeko, ez dakigun mezu bat eramaiten dugu lekukoaren barnean, konfiantza osoan, baina kasu ez denez mezu egiazkoa denen artean eramaite hori, gau eta egun gelditu gabe, akidura senditu gabe, irria ezpainetan, gurea den eta gureaz aberats den komunitate eder batekin batera…

Huna segidan mezu osoa BERRIA egunkariko transkripziotik ekarria honara :

« Korrika egin, egin, eragiteko; eragin, eginarazteko ». Maialen Lujanbio bertsolariak irakurri du 21. Korrikako azken mezua, Gasteizko Andre Maria Zuriaren plaza betearen aurrean. Bertsotan hasi du irakurraldia Lujanbiok:

« Euskara gaur egun arte
ta Gasteizaino Korrika
ekarri dugunoi biba
gora, eutsi, goza, klika! »

Hizkuntza ez da edukitzekoa, lizuna egiten zaio barruan gordeta, lika. Beraz klika, instalatu eta aplika. Euskara ez da euskararen gauzetarako aplikazioa. Euskarak behar du herri honen sistema eragilean. Memoria handiko lur honen hizkuntza beti eguneratua, eta software librekoa. Euskara bestelakoa baita. Besteak bezain bestelako. Bestelakoa eta besteak bezalakoa. Baina euskarak besteekiko badu alde bat. Euskarak dena du aurka, eta horrexegatik dena du mauka ».

« Dena du sortzeko, dena du sortzeke […] Dena du egiteke. Hizkuntza bat dugu ahulguztiduna. Hala ere Korrika egiten dugu. Izan ere, erakundeek, alderdi politikoek, komunikabideek… Hainbeste maite gaituzte Korrika gabiltzala. Zergatik gutxietsiko ote gaituzte hainbestetan oinez gabiltzala ».

« Ikusiko da ea euskara, arreta osoan gaur den
Bihar erdi, etzi laurden
Eta laster berriz al gauden
Atzentasunetan aurren ».

Horrela bukatu du mezua: « Korrika egin, egin eragiteko; eragin, eginarazteko. Norbanakoek egin, eragileek eragin, eta erakundeek eginarazi. Aukerak eskaini eta euskara eskatu. Datozenei eman, eta euskara opatu. Eta eskertu eta ospatu. Gu elkartzen gaitu zer ospatuak. Gu eta honen baitako gu-ak:

Umeak, gazteak, helduak, zahartuak… Ahoskera berri eta zarratuak.

Zuek eta haiek. zakurrak, katuak… Sardeak, mantalak, gigak eta datuak. Azalak, ahotsak…

Sei kontinenteetan sakabanatuak. Sei kontinenteetatik guganatuak.

Arnasgunekoak, oxigenatuak.

Erribera idortu ta mahats zanpatuak… elebesteratuak. Eta neskenegunak eta zapatuak.

Euskaraz sortuak, eta euskararatuak.

Mundu bat euskarak, mende erdia euskara batuak,

eta ehunka milaka bizitza eta gogo euskarak batuak ».

Oraingoan, Jon Maiak aski fite aurkitzen du nor bilatu behar zen, eta publikotik giroa grado bat gehiago berotu zen. Maialenek behin goizegi atzeman duela erraten badio ere, aurkitzen dute beti hari bat segitzeko, noiz eta Maialenek salatzen duen, matematika erakasleak, matematikari baino gasnegile dituela bere ikasleak. Behatzaileak hautemaiten dira irriz lehertzen, esku-zartak danbaka. Nolazpait, asmatu zuten gure bertsolariek, eta oroitzapenak atxikiko du bertsu afari hori gure gogoetan itzaturik.

7tan ginuen hitzordua, Pinkenian. “Hotel de la Paix” kanpotiarrentzat. Apeitifa hasi ginuen, berantiarren goaitatzeko, ta «gibeleko» salarat pasatzen ginen, hortik aski fite. Hurbildu ginen 80 jendeentzat, dekorrak berak, aurreikusten zuen gaualdi goxoa.

Untsa afaldu, patxaran pare bat edan, giroa ja berotua zen saioa hasteko. Xan-ek ere, ofiziokoa zela erakutsi zuen, saioaren sarrerak, segitu baitzuen gure berotzen ta gaien originaltasun ta aniztasunak bere mitsa ekarri baitzuen gaualdiari. Publikoak ere, dudarik gabe, bere ekarpena eman zuen!! Adibide gisa, xiberotarrek untsa ezagutzen duten “lekuko hitzen” gaian, gizkeia hitzak piztu zuen gabadiar ta amenduztarren arteko pataskañoa.

Zer erran gero bertsoetaz?? Zailegia litaike, bat edo beste, multzotik ateratzea, hainbeste izan dira… Ta ez zaizte harrituko, aitortzen badauzuet, kristoren bertso saioa izan dela. Saioaren 2 orenak (eta pixka bat geihago ere) vristez pasatu dira, ta pariatzen dut nor nahirekin, jende bat ere ez, ez dela enoatu! Gaualdi paregabea, urte oroz errepikatuko dena agian…

Saioaren audioa, bere osotasunean juntaturik atxemanen duzue. Goza ezazue…