Hona jarraian, ARGIA astekariaren webgunean agertu den emanaldiaren iruzkina.

Antzerkilari ‘zirtzilak’ elkarren gainean zilipurdika, atzean ageri direla Burgaintzi taldeko dantzariak (lurrean eserita) eta musikariak.

10.000 biztanle baizik ez dituen Amikuzen dozena eta erdi gazte eta gaztetxok egindako herri antzerki batek naiftasun osoz erradiografiatu ditzakeela arazo unibertsalak, unibertso osoa erakutsi nanopartikula ondo jorratu batean. Globala Amikuzen bizi bezala azken 12 hilabeteotan. Abereen eta gizakien mehatxugarri diren epidemia bortitzak, granja industrialek hedatutako hegaztien gripea, ahate hazle txikien erresistentzia, polizia birusen zaindari. Lekuko agintarien euskararekiko etsaigoa. Hizki handiko Justiziak txikiei eragindako injustizia itzelak. Eskuindartze handia, bere hatzaparrak zabalduz doan eliza integristarena barne, Etxarriko ikastetxearen lapurretan ikusi legez, gero epaileek erresistentzian ari direnekiko burlaz borobildua, epaileak beti begi-bakar. Bakearen Artixotak, hau da, trantsizio neketsu batean ahalegintzen garenok, gu geu, eskuzabaltasunez lan egin duten gazteak tartean, geu autokritika-autoirriaren jomuga. Eta lekuko txiroei ezikusia eginez urruneko Madagaskarretaraino laguntza salbatzailea luzatzeko prest gauden herritar bihozberok. Eta aginte zati bat ezkerretik, zentrotik gehi ekologiatik hartzen dugunean zaborrak bezalako arazo omen txikiak nola tratatu sakrifikatzen ditugun, norbait ausartu da Bil ta Garbiri (“Bil ta Erre bataiatuko dugu”) bi egia esaten, hondakinen errausketa kritikatzen non eta… Donaplün. Bakearen kontsentsu berriaren sagrarioak errespetatu gabe. Eta jokabide sexistak, matxoak behar nuen esan, XXI. mendean oraindik emakumeei gizon jatorrok (« orain nirea da zure atariko pentzea ») ematen dizuegun paper subalternoa, neska lotsagabe batzuek hitz gordinegiekin –zakila, alua, uzkia…- aurpegiratzen digutena ordenako guraso zintzooi “ai jesus, baina ze hitz dira horiek emakume gazte baten ahotan”.

Aurtengoan ez dugu izan Donibane Garazikoa ikusteko zoririk, iazkoa adinakoa ba omen zen esan digute, eta hori asko esatea da. Irisarriko Libertimendua ere pasa da, horiek ere piztu dira. Baionan ez ei dira iritsi aurtengoan Libertimendu osoa egitera, baina jokatuko nuke hirirako formula berrietarako trantsizioan dabiltzala, politak izan behar zuten mini-libertimendu horiek Baionako ostatu euskaldunetan Santibate gauez… Donapaleukoan gazteek abisatu digute balitekeela datorren urtean Amikuzekorik ez izatea, Gaztetxea ere makal omen dabil. Beti balantzaka, bizia ziklikoa da eta ordainetan Aldude-Urepele-Bankan doaz berpiztera inauteri giroko antzerkia martxoaren 18an, tartean 11n harturik Makeako plaza ere. Nola eskertzen ditugun gar berriak noizbait gazte izandakook.

Lehenik otsailaren 18an ostiralez ikastolan berean negu ondarreko besta hori ederki ospatua izan da. Jenofaren gelakoek zanpantzar eder bat apailatu zuten astean zehar, trapu zahar lasto eta su panpez ontsa beterik.

Haundienek auzia eta bertsoak ontsa prestatu eta eman dituzte, ostirale aratsalde hartan. Gaizo Zanpantzarrek ez du eskapatzerik izan aurten ere…Surat kondenatu dute !

Aro ederra lagun, egun koloretsu bezain alaia izan dute ttipi eta haundiek.

Bigarren hitz ordu bat finkatu zuten aurten ikastolako Euskaraz Bizi taldekoek. Ateraldi bat proposatu dute ikastolako familier aurtengo maskaradaren ikusteko Pagolan otsailaren 26an. Honela 6-7 familia hurbildu dira Pagolarat goizeko barrikaden ikusteko. Eguerditan zenbait elgarrekin bazkaiteko plazan berean egon dira. Aro goxoa lagun hor ere, momentu goxo bat partekatu dute !

Aratsaldean, ikastolako beste familia zenbait hurbildu dira Pagolako emanaldi jendetsura. Ttipiak jostatu badira egun guzia Pagolako plazan gaindi, helduek ere egunaldi goxo bat pasatu dute… behingoan talo edo ostatu lanetako txandarik gabe !!

Berritzekoa den ideia bat.

Euskararen sustatzeko ondoko hitzordu nagusia Korrika izanen dugu laster. Apirilaren 3an Amikuzetik pasatuko da eta ikastolako familia baita Amikuztar guziak gomitatzen ditugu ekitaldi eder horretara hurbiltzera.

Euskaraz Bizi taldea

Ari dira lanean dantzariak, ari lanean zirtzilak, eta agian bertsulariak ere. Amikuzeko, Euskal herriko eta mundu guziko jende xintxoak ere urte luze batez arizanak dira lanean, beste hainbeste ahalgerik gabeko itsuskeri eta ezinegon sortuz denetan. Ordu da ihauteri hauetan bazterrak garbi ditzagun, eleak xuri, gauzak beren lekuan utz ! Horien solas izanen dute zirtzilek Donapaleun, otsailaren 19an, igande goizez, eta dantzariak gainetik pasatuko zaizkie beste behin, gauzak heinean gelditzea inporta baitzaie, bertsulariek sintesia potable bat egiteko gisan…

Goizeko 9ak 30etan, miñu kartierretik, frantxixkanoen komentu ohi ondotik abiatuko da kabalkada, bizpahiru tokitan jauziak emanen, eta 11etan abere merkatu plazan libertimenduko emanaldia eginen da. Aldizka, bolantek, zirtzilek eta bertsulariek tripan dutena beren jendarteari erakutsiko dute eta oren batean denek betan mutxikoak emanen ditugu Amikuzeko eta Burgaintziko bi txarangek lagundurik.

Ondotik, gomit gira ikastolak apailatu bazkariaren gozatzera, Airetik salan. Han pestak jarraituko du, kantu dantza eta bertsu artean. Izena emazue gaurdanik hemendik beretik meilatuz edo deituz Pettan (06 81 51 96 83).

Santibate gaua arras ederki igan zuten Amikuzeko zirtzilek, ostatuz-ostatu ibiliz otsailaren 04eko ibiakoitz astiritik goiti. Trikitia lagun, aurten ere sasi-bertsulari andana atrebitu zen kopla moldatzera, zortzikote bat osatzeraino. Urterik-urte ikusten dugu zaletasuna eta atrebentzia gora doatzila, eta horrek, tripotek eta garagardoek bezainbat berotzen gaituzte! Dolu bakarra, usaian baino gazte gutiago hurbildu izana. Baliteke hizkuntz zaletasunak beste zaletasunen heinean ez goratzea, baliteke jendartean zikin eta trapu agertzea ez asumitzea, edo ez ulertzea garbia ere zikinak egiten duela (eta zikina garbiak!), baliteke aurten elur ainitz izana eta lerraguneetan izaitea the place to be azkarrena, … baliteke denetarik eta agian beste zerbait! Anartean, ihauteriak ospa ditzagun ospa egin ez dutenekin..

Biba ihauteriak beraz !

Santibate eskea aldiz, otsailaren 8an eginen da. Hau hirugarren aldikotz eginen da Donapaleuko karriketan gaindi, ostatuz-ostatu, gauez-gau eta maskaturik zirtzilek usatzen duten gisan.

Antton Luku garaztarrak ditu ihaute-aroko ospakizun hauek berriz xutik eman, duela hamar urte hurbil. Dantza.com webgunean zintzilikatu dituen hiru artikulutan xehetasun gehiago aurki ditzakezu :

• Libertimendua
• Santibate edo Martin beltza gogoan
• Zirtzilen estetika

Kultura ikusteko ez baina bizitzeko Pharmacie Cialis gauza gisa ulertzen dugunen plazerrarentzat.