Poeta mediatekara itzultzen da. Urte bat eta erdi Manex liburutegia Donapaleuko mediatekatik jalia izan dela. Larrazken huntan, berriz bere batara itzuli behar luke, eta horren ospatzeko, ZABALIK elkarteak Manex ERDOZAINTZI ETXART, Donapauldar poetaren HINKI HANKA liburuaren irakurketa publikoa antolatzen du. Horrela dira datorren ibiakoitz goizean, irailaren 28an, 9etarik eguerdi arte, 80 lagun aldizkatuko mediatekan botz-goraz poemen irakurtzeko behatzaileen aitzinean. Proposamena gogotik onartu dute parte hartzaile guziek eta elkarteak pentsatzen du egintza horrek euskarazko irakurketaren bultzatzeko ere balioko duela.
Eguerditan ekitaldia bururatuko da deneri eskainia izanen den aperitifa baten inguruan. Karia hortara, Manexen poemekin moldatuak izan diren kantu zenbait, elgarrekin kantatzeko parada izanen da.
Horra euskal kultura eta bereziki literatura, ohoretan direla Amikuzen, non eta mediatekan. Ez zitaiken bestela izan, eta ZABALIK elkarteko kideak arras satifos dira beren pazientzia dela medio, gai honek aterabide egoki bat izaten ari duelako.

Helduden buruilaren 28an, ibiakoitz goizeko 9etarik eguerdi arte, 80 lagun aldizkatuko dira Manex Erdozaintzi Etxarten HINKI HANKA poema liburua irakurtzeko buruan-buru Donapaleuko mediatekan.

Gertakari horrekin ZABALIK elkarteak nahi du jakin arazi Manex Liburutegia berriz itzuliko dela mediatekara ondoko egunetan. Alabaina, euskarazko irakurketa bultzatzeko eta poetaren obraren ezagutarazteko parada ezin hobea da ere.

Baina lehenik, helduden ibiakoitzean, buruilaren 21ean, goizeko 9ak 30etarik goiti, auzitegi ohian bilduko dira irakurleak, laguntzaileak eta nahi duen oro, programa hunekin :

– Manexen obraren aurkezpen laburra eginen du elkarteko kide batek,

– irakurleen galderak poemeri buruz edo irakurketari buruz argituko dira,

– Manexen ainitz poema musikatuak izanki, kantu errepika bat eginen da.

Buruilaren 28ko irakurraldia bururatuko dugu alabaina Manexen bospasei kantu elgarrekin emanez, eta ondotik aperitifa batekin bururatuko dugu goizaldia alaiki.

Itxaro Bordarekin solasean eta bertsuka
Urriaren 29an, ibiakoitz goizeko 10ak 30etan, literatura eta bertsuek bilduko gaituzte Donapaleuko mediatekan.  Alde batetik Itxaro Borda Amaia Ezpeldoi bere heroinaren abenturetaz ariko zaigu, eta bestetik Amikuzeko bertsu eskukulako bertsulari gazteek parte hartuko dute elgarretaratzean, beren ikuspegia bertsutan ekarriz prefosta.
Manex liburutegia eta mediatekako euskarazko liburuen aurkezpen gidatu bat eginen da karia hortara, Beatrice Fougy eta Josianne Eiheramunok gidaturik.
Mediatekak eta Manex Liburutegiak (Zabalik elkartea) antolatzen duten goizaldi hau, baso baten ingurian bururatuko dugu lasai-lasaia. Hurbil zaitezte nunbre handian !