ZABALIK » dantza

DANTZA filma Donapaleuko zineman

Zabalik elkartea — Sun, 15 Sep 2019 06:29:55 +0000

Nundik jiten da dantza ? Zertako dantzatzen dugu ? Zertarako balio digu ? Telmo ESNALek bilaketa horretan murgilarazten gaituela dirudi. Eta irudiak ederrak dira ! Donapaleuko zineman hiru aldiz agertuko da egun hauetan : 09/20an ostiralez 20:30tan, 09/22an, igandez 18:00tan eta 09/23an, astelehenez 21:00tan. Hona filmaren egileek nola presentatzen duten afera :

Ekaitza lehertu da landako lan egun gogor baten ondoren. Atertu duenean, bizitza sortu da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa. Bizitzaren zikloari buruzko istorio bat, bizirik irauteko borrokarena. Horretan, denboraren iragatea naturaren ibilbideak markatuko du. Eta dantza da hori kontatzeko hautatu hizkuntza. Musikak eguneroko zereginei lagunduko die. Bizitza erritmoa da!

Gai unibertsalak, hemen sinbologia berezi batez jantziak. Dantza tradizionalen unibertso hipnotikoari dagokiona. Tradizioari, lurrari, haren jendeari, mitoei eta ohiturei egindako kantu poetiko bat. Izatearen mirariari buruzko kontaketa bat.

TELMO ESNALen filma, Juan Antonio URBELTZ delarik koreografia lanetan.

Dantza miresgarria

Zabalik elkartea — Fri, 29 Jan 2016 06:06:30 +0000

2016ko urtarrilaren 22an, ostiral goizean, Amikuzeko ikastolako 4 eta 5. urtekoak Donapauleko zinemara joan ginen. Dantzaz Konpainiak dantza ikusgarri bat aurkeztu zaukun. Bi ikusgarri egin zituzten. Lehena, Barrock deitzen zen, eta, bigarrena, Txoriak. Azken horretan, Mikel Laboaren musiken laguntzarekin dantzatzen zuten.
Ikusgarria biziki untsa zen, polita eta girotsua. Dantzatzeko manera desberdinak ageri ziren eta musika untsa zen.

Arratsaldean, Dantzaz Konpainiako lau dantzari jin ziren Ikastolara: Richard (Norbegia), Josu (Irun), John (Inglaterra) eta azkenik Gilles (Belgika). Lehenik, haiekin berotu ginen eta dantzan hasi ginen. Gero, koregrafia bat asmatu ginuen.
Biziki untsa zen. Koregrafia biziki polita muntatu dugu. Bi dantzari inglesez mintzo ziren, beraz piska bat trabagarria zen baina irringarria ere.

Amikuzeko ikastolako 4 eta 5. urtekoak

LIBERTIMENDUA heldu da

Zabalik elkartea — Mon, 07 Jul 2014 10:13:28 +0000

Azken 5 urteetan abiatu abenturak, aurten ere izanen du bere jarraipena. Jakin dugunaz helduden otsailaren 23an iganen da libertimendu eguna. Beti bezala, segeretu handian lan egiten dute Amikuzeko gazteek, bainan jakin ahal izan dugu aurten igandeko bazkaria eta bazkalondoari indar gehiago eman nahi diotela, pesta eguna denen pesta ere izan dadien.

Santibate eskea aldiz, otsailaren 8an eginen da. Hau hirugarren aldikotz eginen da Donapaleuko karriketan gaindi, ostatuz-ostatu, gauez-gau eta maskaturik zirtzilek usatzen duten gisan.

Antton Luku garaztarrak ditu ihaute-aroko ospakizun hauek berriz xutik eman, duela hamar urte hurbil. Dantza.com webgunean zintzilikatu dituen hiru artikulutan xehetasun gehiago aurki ditzakezu :

Libertimendua
Santibate edo Martin beltza gogoan
Zirtzilen estetika

Kultura ikusteko ez baina bizitzeko Pharmacie Cialis gauza gisa ulertzen dugunen plazerrarentzat.