AIZIRITZETIK HELDU ZAUKU BERRIA, ASPALDIKO PARTEZ, BERTSO ATSALDEA ANTOLATZEN DUTE.

Bertsulariak ukanen ditugu Aiziritzen, herriko salan, urtarrilaren 20an, igande arratsaldean 15:30ean. Bost bertsularik jokatuko dute hor, gai emailea delarik Pettan Prébende. Horra nor entzunen ditugun.

Laka Jean Louis, Bagorriarra, Iparralde honetan aspalditik ezagutua eta preziatua dena.

Ricardo Gonzalez Durana, Hego Nafarratik heldu dena bainan Amikuze ongi ezagutzen duena hemen egona baita denboran.

Ramuntxo Christy, Martxutarra, trebea, saio anitzetan parte hartzen duena.

Battit Crouspeyre, Baigorriarra, Irratietan entzuten dena eta ildo ederra deramana bertsu munduan.

Elixabet Etxandi, hau emaztea eta gaztena, bere alderdia zainduko duena.

Hauek guziak ongi preziatzen ditugun bertsulariak dira eta ikusiko dugu heian nola gizaldi desberdinak aurdindiko diren.

Ateratzean, Amikuze Kantuz-ek gomitatzen gaitu haiekin kantuz hartzera.

Bertzalde eskuratzen ahalko da, CD batean, lehengo bertsu saioa andana bat, Xalbador, Mattin, Ezponda eta Zubikoarekin.

Sala berotua. Sartzea urririk. Denak gomit zarete arratsalde goxo baten pasatzera.

Argazkian : Elixabet Etxandi gazte eta trebe.