Ekitaldi horren bidez, laborantzaren gai zabalari buruz ausnartu nahi dugu, lekuko berezitasunak, amikuzekoak hots, argitan ezarriz.

Izan ere, Amikuzen berriki arte, laborariak gehiengo zabalbatean, etxetiarrak (maizterrak) ziren, lurjabeen menpeko. Bigarren mundu gerra ondoko loraldiak, oihartzun berezia ukan du beraz gure eskualdean. Horiek orok esplika dezakete gaur egun laborantxa egiteko dugun manera nagusia.

Gure ekosistema, elikadura eta nola ez, osagarria, laborantza eta bere praktiker xuxenki lotuak direla badakigu, eta bestalde, laborantza hau ezin dugu aztertu gaur egungo sistema produktibistatik aparte. Horiek hola, gogoeta zonbait piztu zaizkigu :

Zein da gure lekuko laborantzaren egoera ? Zendako hautu hauek eginak izan ziren ? Sistema honek nolako ondorioak ditu laborarien bizimoldean ?

Nola segurtatu etxalde batek segida ukanen duela ? Lurrik gabe direnen geroko laborarien instalazioa nola bermatu ?

hitz ordua goizeko 9ak30tan emaiten dizuegu, elgarrekin kafe baten partekatzeko.

Lehen hitzaldia : NPB (PAC), zein laborantzari buruz ?

Nekazal Politika Bateratuari (PAC) buruzko historikoa, funtzionamendua eta europear diru zamen banaketaren aurkezpena, tokiko ilustrazio adibide batzuekin. 20 urtez animatzaile eta formatzaile gisa laborariak segitu dituen Mattin Irigoin-ekin solasa.

Mikel Hiribarren, sindikalista gisa, frantses eta europear mailan « Beste NPB bat » buruzko negoziaketak segitu ditu. Negoziaketa horien erronkak eta beste laborantza baten aldeko errebendikazioak aurkeztuko dauzkigu.

Bigarren hitzaldia, pausa baten ondotik,  : Etxalde bat hartu edo/ta utzi, transmisio eta instalazioaren erronkak.

Zer da gaur egun ipar euskal herriko etxaldeen argazkia ? Entzuten dugu hemen oraino laborantza dinamikoa dela, alta, instalatzen den laborarien kopuruak ez du, uzten dutenen kopurua estaltzen. Ber denboran, etxalderik gabeko laborarigaiak badaude, abiatzeko prest.

Arlo hortan lanean dabiltzan teknikariekin, baita laborarien lekukotasunekin, gaiari buruz gogetatzeko parada dukegu.

Frantsesez ariko diren hizlarientzat, zuzenezko itzulpenak segurtatuak izanen dira.

Segurtasun neurriak errespetatuak izanen dira. Bakotxak maska ekar dezala.

« Amikuzen berriki arte, laborariak gehiengo zabal batean, etxetiarrak (maizterrak) ziren, lurjabeen menpeko. Bigarren mundu gerra ondoko loraldiak, oihartzun berezia ukan du beraz gure eskualdean. Horiek orok esplika dezakete gaur egun laborantxa egiteko dugun manera nagusia.

Gure ekosistema, elikadura eta nola ez, osagarria, laborantza eta bere praktiker xuxenki lotuak direla badakigu, eta bestalde, laborantza hau ezin dugu aztertu gaur egungo sistema mundialetik aparte (produktibismoa, merkatu librea,…). Horiek hola, gogoeta zonbait piztu zaizkigu :

Zein da gure lekuko laborantzaren egoera ? Zendako hautu hauek eginak izan ziren ? Laborari guziek lortzen ote dute molde honetan bizitzea ? Herritar eta kontsumitzaileok zer egin dezakegu ? Ba ote da alternatibarik ? »

Hastapenean, egun osoko egitarau bat moldatua zuten, bazkaria, bertsuak, zirtzilen kantuak eta kontzertu batekin. Neurri sanitarioen zorroztearen ondorioz, mintzaldietara bakarrik mugatu dute egunaldia.

Urriaren 17an, ibiakoitzez, hitzordua goizeko 9ak30tan emaiten dizuegu, elgarrekin kafe baten partekatzeko.

Lehen hitzaldia : Laborantza eta laborariak nekezian, zer egin ?

Laborarien egoera orokorrari buruz arituko zaigu SOS Indartu elkarteko kide den Peio Iralur, batez ere nekez ari direnen gainean zentratuz. Batzuentzat sektorea ongi badabil ere, batzuk prekaritate handian bizi direla ikusten dute elkarte horren kideek, hau da, egunerokoan laguntzen entseatzen baitira.

Horren aitzinean, zer egin dezakegu, kontsumitzaileok ? Marc Badal ikerlariak Euskal Herriko kontsumo ereduak aztertu zituen, bere lanaren aurkeztera etorriko zaigu.

Bigarren hitzaldia: Atzoko laborantza eredutik, gaurko loraldira.

Jean Michel Berho laborariak, bigarren gerla mundiala eta gero plantan jarria izan den laborantza eredua aurkeztu ondoan, azken urteetan agertzen diren eredu ezberdinak aipatuko dizkigu. Mathieu Etchegaray-ek bere esperientzia kondatuko digu lekukotasun bezala.

Frantsesez ariko diren hizlarientzat, zuzenezko itzulpenak segurtatuak izanen dira.

Segurtasun neurriak errespetatuak izanen dira. Bakotxak maska ekar dezala.