ZABALIK » kantu-bazkaria

2022ko KORRIKA : aitzin pesten egitaraua eta Amikuzeko lekuko eramaileak

Zabalik elkartea — Tue, 29 Mar 2022 06:15:55 +0000

Aurtengo KORRIKA errezebitzeko, prestaketa lanak egiten ari dira Amikuzen :

- kantu poteoa martxoaren 18an .

- kantu bazkaria Apirilaren 2an, eguerditan, Donapaleu Pinkenian. ZABALIK elkartekoek basurde saltsa prestatuko dute. Bazkaria eta edariak : 15€. Izenak eman behar dira edo imeilez Zabalik-i edo sms-ez 06.08.28.26.57

Azken Korriketako formula airosa errepikatzera hurbildu !

- Apirilaren 4an igaiten da Korrika Amikuzetik, Aruen sartu eta Bithiñatik jali. Huna ondoko taulan, ze tenoretan nun izanen den, eta noren kilometroa den.

Denbora berean, pasaiaren zain egoiteko, 7etarik aitzina merkatu estalian talo, edari eta musika izanen da Donapaleuko merkatu estalian. Gaitamik eta Burgaintziko txarangek alaiturik.

- Korrika denbora guzian, Donapaleu zentroan, herriko etxearen aldean, Euskal Herriko mapa argiztatu bat ikusiko duzue, egunez-egun Korrikaren aitzinamendua irudikatuko duena. Argazkian ikusten duzue Céline Mirailh-ek egin marrazki koloretsua Donapaleu erditan.

1117	Aldaka Gaztetxea		Dubosc-en etxea	22:55:00
1118	Kirikittun	Etxarri	Etxarriko bidegurutzean, autobus geltokia	23:00:00
1119	USSP kirol guziak		Etxe xuria eskuinean (hesi eta leiho gorriak)	23:06:00
1120	Amikuzeko Pilotariak		Kaskoan, eskuinera joaten den bidea (aparkaleku tipi bat ezkerrean)	23:13:00
1121	Burgaintzi	Domintxine	Olaibira joaiteko bide seinalea ezkerrean	23:20:00
1122	Aiziritzeko Herriko Etxea		Etxe xuria eskuinean «Barnetxia» izenekoa	23:27:00
1123	Aiziritzeko besta komitea		Berruetara joaiteko bide seinalea (ezkerrean)	23:33:00
1124	Etxekopar kolegioa		Eskuinean bidexka bat, xuria den etxe batera joateko (Ezkerrean, borda bat)	23:40:00
1125	Errecart Lizeoa		Eskuinean etxea kanpoko leiho berde argiak («1385» zenbakia gutunontzia ondoan)	23:47:00
1126	Amikuzeko ikastola		Ezkerrean URRUTY ebeniste panoa	23:53:00
1127	Zabalik	Donapaleu	Zubia hasten denean	00:00:00
1128	Donapaleuko Herriko Etxea		Casino denda aintzinea	00:06:00
1129	Komertsanteen batzordea		Fleur de piment denda aintzinean	00:12:00
1130	Amikuzeko Irratia		Bidegurutze berria Donapaleutik ateratzerakoan	00:19:00
1131	Donapaleuko eskola publiko elebiduna (Ikasbidea)		Bidegurutzea, La Joyeuse erreka zeharkatu eta	00:25:00
1132	Donapaleuko besta komitea		Bidegurutzea zubi ttikarekin ezker	00:32:00
1133	Lehengo Garruze	Bitirina	Birthina bidegurutzean, Gurutzea	00:38:00
1134	Amikuzen dantzan eta kantan		HAFA machines agricoles ezkerrean	00:45:00
1135	Kitzikatzan’k		Bidegurutzea ezkerraldean 3 zakarrontziekin (ostankoako bidea)	00:51:00
1136	Euskal Argentina		Bidegurutzea ezker zubia + autobus geltoki ttikia (Barnexbordako bidea)	00:58:00
1137	Amikuzeko Gau eskola		Bidegurutzea ezker (Hastoizko bidea)	01:04:00
1138	Gaitamik		Negutegien baserri hasieran (gainean) (Iholdiko bidea)	01:11:00
1139	AFOG		Harrizko etxea ezkerrean, bihurgunean (Borde Gatuluteia)	01:17:00
1140	Zazpiak bat harreman sarea		Etxalde gorri haundia bide bazterrean eskuin	01:24:00
1141	Banbu bihotza		Kilometro bat egin eta, bihurgunean (Eskuinaldean gibelean etxe xuri eta gorri)	01:32:00
1142	Amikuzeko etorkinak Institut Don Bosco		Eskuineko bidegurutze aitzineko burdinezko seila eskuinean	01:38:00
1143	Behauztarrak		Etxaldea eskuinean (Silo « Bazkaona »)	01:45:00
1144	Kilimon		Hiribehere panoaren ondotik eskuinaldeko etxe xuri eta gorri (krik zaharrak)	01:51:00
1145	Zazpiak bat harreman sarea		Bidegurutzea goruntz eskuin, bi zakarrontziekin	01:58:00
1146	Elgarrekin Antzerki taldea	Iholdi	Iholdiko zentroa, Armendaritzeko bidegurutzean	02:04:00
1147	Zazpiak bat harreman sarea		Lehentasunezko panoko bihurgunea	02:11:00
1148	Matériel Ferroviaire d’Arberats		Pochelu garajea	02:17:00
1149	EHZ		Haritz handiaren heinean, etxe berrien artean	02:24:00
1150	Har Eman		Zalditegi parke ttikia	02:30:00

1127.kilometroa: Zubia hasten denean, itzuli normala, autoak bezala, kasino arte

1128. kilometroa: Kasino, thiers karrika, merkatu estaliaren itzulia, thiers karrika, foirail plaza, thiers karrika, fleur piment

1129. kilometroa : Fleurs piment, eliza, gau eskolaren aitzinean, Oxidoy karrika

Kantu bazkariaren lehen edizio arrakastasua

Zabalik elkartea — Sun, 26 Mar 2017 19:28:43 +0000

Amikuzeko lehen kantu baskaria burutu dugu martxoaren 26 huntan, Donapaleuko Hotel de la Paix deitu Pinkenia ostatuan. 70 bat lagun bildu gira adin eta jatorri guzietakoak, Gau eskolak eta Zabalikek antolatu bestan. Giroa bero-beroa zen hastapenetik, denak kantuaren afizionatu suharrak izanki, ez zen sekula etenaldirik egon eguerditik eta aratseko 7ak inguru arte. Badakizue kantatzea osasunarentzat on baizik ez dela, eta hain segur hormona baikorrak libratzen ditu, ezen kantatzeko omorean jinak baginen, kantatuago eta omoreanago baiginen denak.

Ostatua eta Donapaleu zentroa harrotu dugu igande arratsalde luzean beraz (eta denek dakigu Donapaleuko igande aratsaldeak zein « alaiak » diren komuzki!) eta hor zirenek beste edizio baterako hitzartuak dira jada, helduden primaderan agian. Hala bedi, eta hala kantatu bedi denetan, beste urtean oraino gehiago jende eta gehiago kantu entzun dadin Amikuzen !

Eskerrak antolaketan parte hartu duteneri, musikarieri, kantatzera jin direneri, ostatuko xerbitxarieri eta Dominique etxekandereari. Milesker haundi bat bihotz-bihotzez!

Amikuzeko lehen Kantu baskaria martxoaren 26an

Zabalik elkartea — Mon, 06 Mar 2017 18:18:12 +0000

KORRIKA jiten baita ixtantean, zintzurren berotzeko, ZABALIK elkarteak kantu-baskari bat antolatzen du martxoaren 26an, igande eguerdiarekin Donapaleuko Pinkenia ostatuan (Hotel de la Paix delakoan). Aperitifatik haste kantuz aritzen ahalko gira, oren batean baskaiteko. Menua 22€ tan: sartzea, plata, gasna, deserta, pinta arno 1/4 bat, kafia.

Baskaltiarrek hautatuko dituzte kantuak zerrenda batean, eta bi pantaila handietan segitzen ahalko ditugu kantuen hitzak (ez dazkitenentzat aiseria guzia eskainia izanen da ikusten duzuen bezala).

Zatozte gustian Euskal Herriko kantu ezagunen kantatzera, zatozte gustian Amikuzeko kantuen ikastera.

Lekuak mugatuak baitira, izenak eman aintzinetik 06 84 17 31 40 edo zabalikelkartea@gmail.com.

Aratsaldez, bertan baskaldu ez direneri ere idekia izanen da.

Ez badakizue ere, hona nola igaiten den kantu baskari bat. Jendea biltzen da multxoan leku batean, aperitifa edaten dute. Hor deia batzu kantuz hasten dira. Berotuz-berotuz joaiten da giroa eta denak kantuz ari dira memento baten burian. Mahairat pasatu eta, bada beti bat kantu baten abiatzeko. Platak pasatzen dira, baina sekula ez dute denek betan jaten, beti norbait kantuz ari baita. Azkenekotz, kantua kantuaren gainen, ez da gehiago edatearen beharrik ere mozkortzeko… Astiria jina da nehor ohartu gabe, eta oraino kantuak kantua jarraitzen du ! Sekulako adrenalina uholdea ixuri da 6 edo 8 orenez, denak sekulako forman itzultzen dira etxera, eta nork daki, oraino kantuz ari dira bakotxa beren etxeetan…
Ez hutsegin terapia guziak balio dituen joko hau, jin eguerdiko Pinkenerat, pantailetan lerrokatuko dira kantuen hitzak, zuek ez okupa, bakarrik kanta !