ZABALIK » amikuzeko ikastola

Amikuzeko Lasterketa, 2023ko ekainaren 11an

Zabalik elkartea — Wed, 31 May 2023 19:45:03 +0000

Amikuzeko ikastolako lasterketa eta ibillaldia (Ekainaren 11an)

Lekua : Abiapuntua donapaleun, merkatu estalian.

8 :30 Ibilaldia : 15 km-ko Ibilaldiaren abiatzea merkatu estalitik.

Izen emaiteak lekuan bertan edo « PB organisation » webgunean. Ongi etorria (eta izen emaiteak) lehenago kafeño baten inguruan.
Bidean zehar, 5garren eta 10garren kilometroetan edateko eta jatekoa eskainia izanen da. Itzulia merkatu estalira helduko da berriz ere.

10 :00 Lasterketa : 10 km-ko lasterketa abiatuko da merkatu estalitik ere.

Lasterketan parte hartzeko izen emaiteak « PB organisation » webgunean egiten dira eta medikuaren agiri bat behar da (urtean egina).

Kurtsa erditsutan, ikastolan edatekoa izanen da lasterkarientzat. Kurtsa donapaule inguruan izanen da, malda handirik gabe.
Irabazleentzat sariak izanen dira !

Ondotik haurren kurtsa.
Lasterketa labur bat antolatua izanen da haurrentzat 12 urte artekoentzat eta beste bat 8 urte artekoentzat.

Azkenik : Talo eta edatekoak alaiturik merkatu estalian
Lasterkari, ibiltari, eta hortik pasatuko diren gurmantentzat, taloak eta edariak salgai izanen dira. Giro goxo horren animatzeko musika talde bat izanen da ere. Eta kurtsaren ondotik
haurrek beti mitxa pixkat ukanen baitute, Amalia elkartearen joko batzu izanen dira.

Zatozte denak kirol amiñi bat edo justu giro goxoaz baliatzera, ikastolaren sustengatzeko !! Igande arte.

Ikastolak antolaturik.

Olentzero Donapaleuko merkatuan

Zabalik elkartea — Thu, 13 Dec 2018 19:45:23 +0000

Olentzero Donapaleuko merkatuan izanen da abendoaren 21ean, ostirale goizez, usaian bezala, Amikuzeko haurrez inguraturik.

Arratsaldean, ikastolan izanen da, eta bere bihotz ona erakutsiko du beste behin, denen zorionerako !

Ikastolako zenbait berri ihauteri aro huntan

Zabalik elkartea — Sat, 18 Mar 2017 10:37:04 +0000

Martxoan girela eta Ihauteri garaia urruntzen ari da, baina jakin ezazue aurten ere untsa ospatu dela Amikuzeko Ikastolan !

Lehenik otsailaren 18an ostiralez ikastolan berean negu ondarreko besta hori ederki ospatua izan da. Jenofaren gelakoek zanpantzar eder bat apailatu zuten astean zehar, trapu zahar lasto eta su panpez ontsa beterik.

Haundienek auzia eta bertsoak ontsa prestatu eta eman dituzte, ostirale aratsalde hartan. Gaizo Zanpantzarrek ez du eskapatzerik izan aurten ere…Surat kondenatu dute !

Aro ederra lagun, egun koloretsu bezain alaia izan dute ttipi eta haundiek.

Bigarren hitz ordu bat finkatu zuten aurten ikastolako Euskaraz Bizi taldekoek. Ateraldi bat proposatu dute ikastolako familier aurtengo maskaradaren ikusteko Pagolan otsailaren 26an. Honela 6-7 familia hurbildu dira Pagolarat goizeko barrikaden ikusteko. Eguerditan zenbait elgarrekin bazkaiteko plazan berean egon dira. Aro goxoa lagun hor ere, momentu goxo bat partekatu dute !

Aratsaldean, ikastolako beste familia zenbait hurbildu dira Pagolako emanaldi jendetsura. Ttipiak jostatu badira egun guzia Pagolako plazan gaindi, helduek ere egunaldi goxo bat pasatu dute… behingoan talo edo ostatu lanetako txandarik gabe !!

Berritzekoa den ideia bat.

Euskararen sustatzeko ondoko hitzordu nagusia Korrika izanen dugu laster. Apirilaren 3an Amikuzetik pasatuko da eta ikastolako familia baita Amikuztar guziak gomitatzen ditugu ekitaldi eder horretara hurbiltzera.

Euskaraz Bizi taldea